O blog de Antía

  Situacións e variábeis de ensino das linguas estranxeiras O tema 1 da materia de Didáctica da Ensinanza das Linguas Estranxeiras dividiuse en dúas sesións. Na primeira sesión, traballamos coas similitudes e as diferenzas entre a adquisición da lingua materna e a aprendizaxe dunha lingua estranxeira. Na segunda sesión, tratamos as linguas e os seus contextos de uso, así como a importancia do repertorio lingüístico. Para comentar as similitudes e as diferenzas na adquisición da lingua materna e a aprendizaxe da lingua estranxeira dividímonos en grupos de catro persoas e realizamos un Diagrama de Venn. Eu coñecía este tipo de representación gráfica mais non sabía o seu nome nin vira un exemplo práctico de como usalo na aula. Este diagrama pode facerse de tres formas diferentes: overlapping circles , circle within a circle e separate circles . En cada diagrama márcase a relación entre os conceptos comparados mais faise dun xeito diferente, polo que se debe elixir o diagrama que máis...

  As programacións didácticas vixentes Na sesión dedicada á unidade 6, tratamos distintos aspectos realmente interesantes. Estivemos a falar dun tema que persoalmente considero moi importante e do que ata ese momento non tiña demasiada información, as oposicións. Máis concretamente, falamos do proceso de acceso a estas oposicións e o seu baremo. Ademais, falamos máis sobre as distintas partes da oposición ás que nos teremos que enfrontar se queremos presentarnos nun futuro a estas en Galicia. Finalmente, traballamos con programacións didácticas e tivemos que realizar unha entre todo o grupo-aula. Con respecto ás oposicións, axudoume moito a explicación do docente, xa que persoalmente gustaríame presentarme próximamente. Entre todos, limos as diapositivas e comenzamos un diálogo no que se podían facer preguntas sobre o que non quedaba claro. Deste xeito, tivemos a oportunidade de preguntar o que nos interesaba ou as dúbidas que tiñamos sobre isto, e quen mellor que o profesor para r...