O blog de Antía

PRESENTACIÓN FINAL Na miña presentación final, falo do plurilingüismo dentro da aula de linguas estranxeiras. Hoxe en día, hai un gran debate sobre o uso da lingua materna dentro das aulas de linguas estranxeiras, polo que decidín buscar máis información sobre as vantaxes que pode ter o uso da lingua materna dentros destas clases. Para realizar este traballo, utilice un artigo que recollía distintas investigacións e centreime en dúas moi representativas. Espero que isto vos axude a entender un pouco máis a realidade das clases de linguas estranxeiras!

  AS PRÁCTICAS RESTAURATIVAS Na sesión dedicada ao tema 4, interviñeron seis persoas na aula que fixeron o Mestrado no que estou agora. Pareceume unha idea moi boa, xa que sempre é interesante saber as distintas posibilidades que hai ao remate do mestrado de profesorado. Unha das rapazas que veu á aula de forma presencial e que xa aprobou as oposicións, falou das prácticas restaurativas. Este termo chamoume a atención, xa que nunca o escoitara e pareceume unha ferramenta que pode ser bastante útil nas clases. Buscando máis información sobre isto, atopei dous vídeos que reflicten bastante ben en que consisten estas prácticas restaurativas e como poden ser empregadas en distintos ámbitos. O primeiro vídeo ( Vídeo 1 ) fala destas prácticas restaurativas e dos distintos métodos que se poden empregar para levalas a cabo de forma máis efectiva. O vídeo reflicte moi ben a idea principal destas prácticas. Hai prácticas informais e formais. As informais non precisan de tanta preparación, xa...

  CONSCIENCIA INTERCULTURAL, ESTEREOTIPOS E PREXUÍZOS No tema 3 estivemos a ver as competencias xerais: coñecemento declarativo (saber), destrezas e habilidades (saber facer), competencia “existencial” (saber ser) e capacidade de aprender (saber aprender). O coñecemento declarativo consta do coñecemento do mundo, coñecemento sociocultural e consciencia intercultural. Nesta entrada voume centrar na consciencia intercultural e na súa importancia na sociedade. Tamén, abordarei o impacto dos estereotipos e prexuízos que sempre estiveron e seguen estando na actualidade.  Antes de comezar a buscar información sobre este concepto e as súas implicacións, investiguei sobre que é a interculturalidade. Para isto, atopei este vídeo que reflicte moi ben en que consiste e como debemos actuar como individuos para lograr acadala. Gustoume bastante este vídeo, xa que a pesar de ser básico, explica moi ben e en detalle o concepto de interculturalidade. Ademais, pode usarse nas aulas para que os...

  Edulingüe 2030 Na sesión dedicada a explicar o tema 2, falamos do Marco Común Europeo de Referencia para as Linguas e sobre os distintos obxectivos, métodos e prioridades da política lingüística europea. Relacionado con este tema, a docente introduciu Edulingüe, un programa que non coñecía e que chamou a miña atención. Polo tanto, estiven a investigar máis polo miúdo sobre o programa e os seus obxectivos. Estiven investigando e atopei a Estratexia Galega de Linguas Estranxeiras Edulingüe 2030: Edulingüe 2030 . Este documento de trinta e catro páxinas está actualizado e contén os principios e retos que se queren conseguir ata o 2030 con respecto ás linguas estranxeiras. É unha estratexia realizada pola Consellería de Cultura, Educación, Formación Profesional e Universidades, que teñen como eixes principais expandir e afianzar a internalización do sistema educativo galego para favorecer a cidadanía global. O documento consta de diferentes apartados realmente interesantes e concreto...